GSIDC कडून ‘गोवॅन आर्किटेक्चर अँड सस्टेनेबिलिटी’ परिषदेचे आयोजन; वास्तुशिल्पीय वारसा जपणे हेच ध्येय!
नवी दिल्ली येथे गोवा राज्य पायाभूत सुविधा विकास महामंडळातर्फे (GSIDC) आयोजित ‘गोवॅन आर्किटेक्चर अँड सस्टेनेबिलिटी’ (गोव्याचे वास्तुशास्त्र आणि शाश्वतता) या विषयावरील राष्ट्रीय परिषदेचे उद्घाटन केंद्रीय पर्यटन आणि संस्कृती मंत्री श्री. गजेंद्रसिंह शेखावत यांच्या हस्ते उत्साहात पार पडले. या प्रसंगी खासदार श्री. सदानंद शेट तानावडे यांची विशेष उपस्थिती होती.
या परिषदेमध्ये देशभरातील वास्तुविशारद (आर्किटेक्ट्स), नगररचनाकार, संवर्धनतज्ज्ञ, अभियंते, धोरणकर्ते, शिक्षणतज्ज्ञ आणि विद्यार्थी एकत्र आले असून, गोव्याच्या समृद्ध वास्तुशिल्पीय वारशाचे जतन करत शाश्वत भविष्याची उभारणी करण्यावर सखोल चर्चा करण्यात येत आहे.
माजी आणि सध्याच्या विकासकामांचा संदर्भ देत, मा. पंतप्रधान श्री. नरेंद्र मोदी जी यांच्या “विकास भी, विरासत भी” (विकासही आणि वारसाही) या दूरदर्शी संकल्पनेनुसार गोवा सरकार राज्याची वैशिष्ट्यपूर्ण वास्तुशिल्पीय ओळख जपण्यासाठी कटिबद्ध आहे. वारसा जतन (हेरिटेज संवर्धन), हवामानास अनुकूल रचना, पर्यावरणपूरक सार्वजनिक पायाभूत सुविधा आणि आधुनिक तंत्रज्ञानाचा वापर करून भूतकाळातील समृद्ध वारशाचा आदर करत भविष्यासाठी सज्ज असलेल्या पायाभूत सुविधांची निर्मिती केली जात आहे.
गोव्याला ‘शाश्वत वास्तुशास्त्राची जिवंत प्रयोगशाळा’ (Living Laboratory) बनवणे हे आमचे ध्येय आहे. परंपरा आणि आधुनिक तंत्रज्ञानाचा सुरेख संगम साधून एक कणखर, पर्यावरणाबद्दल संवेदनशील आणि ‘स्वयंपूर्ण गोवा’ घडवण्यासाठी राज्य सरकार निरंतर कार्यरत आहे.
